Куэллнэгк нёарк Самь Соббар как работал, так и работает!

16 декабря мы готовим общее саамское собрание.
Место: Ловозеро, ЦРДК, в 12.00. Повестка для на сайте: http://saami.forum24.ru/?1-4-0-00000042-000-0-0-1352651166
Добро пожаловать!

Valentina Sovkina čujuha reivii, man leat Murmánskka leanaráđđehusa namas geigen Guoládaga Sámi parlamentii. Reivves čuoččuhit, ahte Guoládaga Sámi parlamenta lea aktiivvalaččat jagi 2010 rájes gilván separatisttalaš dovdduid sámiid gaskkas. Reivves čuoččuhit maid, ahte Sámi parlamenttas lea eahpečielga juridihkalaš hápmi ja ahte dat sáhttá rihkkut Ruošša lágaid.

Guoládaga Sámi parlameantta ságadoalli Valentina Sovkina namuha, ahte sii jotket Sámi parlameantta doaimmaid seamma vugiin go ovdalge.

- Diekkár reivvet leat sáddejuvvon dáppe viidát, muhto dat eai leat leamaš vuolláičállojuvvon. Mii eat viša oba kommenteret čuoččuhusaid. Dat eai guoskka midjiide, dasgo mis eai leat makkárge separatistalaš doaimmat, dadjá Sovkina Yle Sápmái.

Sovkina mielde Guoládaga Sámi parlameanta lea dál geahččaleamen ovddidit Sámi parlameantta juridihkkálaš sajádaga. Dat lea bivdán Murmánskka leanaráđđehusain čoahkkima, mas áiggošedje ságastallat Sámi parlameantta sajádagas.

- Dán ságastallamis áigut buktit ovdan, ahte leago vejolaš vuođđudit lága, mii addá Sámi parlamentii virggálaš sajádaga, Sovkina dadjá.